-نعمان بنتك تصرفاتها بقت So bad هى بجد تخطت الحدود
-أى حصل تانى يا نيرفانا
-الهانم رجعت أمبارح الساعه 5الفجر تخيل
-نعم! وجيه دلوقتى تقوليلى
-اه أنت كنت نايم
-ومن أمته بيفرق معاكى نايم تصحينى قالها وهى ينهض بغضب
-استنى يا بيبى رايح فين قالتعا بمكر
-هشوف الهانم اللى شكلها نسيت هى منين ولا أصلها أى
-طيب براحها عشان متخضهاش يا نعمان هى نايمه
لم يجيبها وذهب لغرفته ابنته لم يطرق الباب دلف عالاعصار كانت نائمه
-نهااااااااااااد قالعا بغضب
-فتحت عينيها ببطئ وتحدثت ببرود: نعم
-برودها أفقده أخر ذرة تماسك لديه ليجذبها من ذراعها بغضب فوقى كدا
-فى أى قالتها بغضب وهى تزيح يده بعيدا عنها
-أنتى رجعتى البيت أمته أمبارح
- اشاحت بيدها مش فاكرة
-نهااااااااد أنتى فعلا رجعتى 5تلفجر
-الله طب ما انت عارف أهو بتسأل لى
-أقفى كدا وكلمينى زى ما بكلمك ومتخلنيش أفقد أخر ذرة تماسك فيا لان صدقينى تصرفى مش هيعجبك
-القت بنفسها على السرير وخبأت وجهها بالغطاء أعمل أقصى ما عندك
-نظر لها بغضب ماشى يا نهاد أتمنى مترجعيش تترجينى
-تمام
تركها ورحل لتجلس على السرير بتعب تضم قدما وتسند رأسها عليه هتعمل أى أكتر من اللى عملتوه فيا
بالاسفل
-يا نعمان أهدى الله
-نيرفانا البنت دى مش هتجيبها لبر العيشه هنا شكلها نستها أصىها أنا مش هستنى لما القيها داخله هليا بولد وتقولى دا حبيبى
-لا يا نعمان معتقدش نهاد بنتك متربيه بس أنا عندى حل ممكن يفيدك
-أى هو
-ترجع مصر
-نرجع مصر
-تحدثت سريعا لا نهاد بس
-أى
-هو دة حلها لما تنزل مصر وتعيش عند جدتها هتقدر النعمه اللى كانت عايشه فيها وكمان لازم تضيق الخناق عليها يعنى الفلوس تبقى بحساب
-ودراستها
-تكملها فى مصر
-تفتكرى دة حل
-دا أسلم حل من وجهه نظرى
-هفكر
-فكر براحتك يا حبيبى بس صدقنى بنتك هتتأثر من العيشه هنا مع الوقت وبنتك مش بتسمع كلام حد وواخده الدنيا عند تقلها يمين تقول شمال
-معاكى حق لازم تحس بالمسئوليه شوى لازم تحس بقيمتى
-صح ودا مش هتحس بيه غير لما تتحرم منك
-اه هشوف انا الموضوع دة أنا رايح الشركه سلام
-سلام انتظرت رحيله لترقص من فرحتها أخيرا هخلص منك
-___________
-صباح الخير يا ست الكل
-صباح النور يا بسام قالتها بزعل
-الله مالك يا أمى بتقوليها من غير نفس
-القت الخيوط من يدها زعلانه زعلانه منك
-الله منى أنا لى بس
-يعنى أنت عاجبك حالك يا بنى اذا كان عاجبك فأنا مش عاجبنى
-لا اله الا الله ماله يا ماما حالى
-يغنى يا بنى تخرج من صبحيه ربنا الساعه 8مترجعش غير واحده واتنين بالليل يرضى مين دة
-بشتغل يا أمى
-وانك تشتغل سواق دى شغله يا بنى أنت مهندس
-يعنى أنا لقيت شغل للهندسه ومشتغلتش يا أمى لى بتحسسينى أن أنا غاوى المر أنا بعمل كل اللى اقدر عليه وبقدم فالشركات بس كل حاجه بالوسايط
-طيب وشهد
-ماله
-يا بنى البت العرسان عليها كتير وهى عايزاك انت
-أنا قلتلك أن مش حنل اتجوز واعيل واحده تانى أنا لما أجوز أختى واعلم أخويا هبقى أفكر فالجواز
- ودة أمته دة
-يا أمى سبيه مش كل يوم لازم تكسرى مكديفه كدا عالصبح
-بت أنتى أخرسى أنتى همك مصلحتك بس
-أنا يا ماما الله يسامحك
-ايوة انتى مهمكيش اى حاجه غير هاتلى هاتلى هاتلى عشان تتجوزى الننوس بتاعك
-يوووووووه خلاص كفايه روحى يا روان اعمليلى كوبايه قهوة عشان أمشى
-عيونى يا بسبوسه
-بت مصلحجيه
-يا امى مالك ومالها البنت عايزة تتجوز مخطوبه بقالها سنتين واحنا مجبناش نص اللى هى عايزاه وخطيبها بيعمل اللى يقدر عليخ هو كمان
-قلبك الطيب ده هو اللى هيوديك فمصيبه
-طيب يا ست الكل هطلع اشم شويه هوا فالبلكونه خلى روان تجبلى القهوة هناك
تحرك بأسى الى البلكونه يستنشق هواء الشتاء البار كبرودة قلوب البعض يتذكر ما حدث معه أمس
فلاش باك
-يا انسه الحساب 100ج أنا بلف بيكى بقالى ساعتين
-أنسه ههههههه أنا مدام يا حبيبى وبعدين هى 50معييش غيرها
-ضغط علىزر التحكم لتنغلق ابواب التاكسى يبقى مفيش نزول
-الله يا ريت خلينا هنا حتى انت شكلك قمر قالتها وهى تحرك يدها على كتفه
-ازاح يدها سريعا بقلك أى تدينى فلوسى بدل ما اوديكى عالقسم وشوفى بقه سين وجيم الساعه 2بالليل وست لوحدها فالشارع
-تحدثت بتوتر قسم بص أنا مش معايا غير 50ج دى خليها عليك المرادى صدقنى
-لا انا عايز حسابى كامل 100ج مينقصوش جنيه واحد
صمتت لحظات لتبدأ بالصراخ مدعيا خطفها لينصدم من فعلتها انتى اتجننتى يا وليه
- الحقونى عايز يخطفنى بدأت تطرق الباب بقوة ليتجمع الناس حولهم
هبط سريعا ليمسكه الرجل من قميصه
-أسمعونى بس لم يسمعه أحد لتهبط الفتاه تركض وتتعالى ضحكاتها سخريه منه ابعد يا أخى أديها هربت بحقى
-حقك عليا
-حق أى يا أخى انا بقالى ساعتين بلف بيها وكانت عايزة تتدينى 50واديها هربت ولا طولت خمسين ولا 100 لو كنت سمعتنى قالها ليركب التاكسى ويعود الى منزله
بااااااك
-اتفضل احلى كوبايه قهوه
-شكرا يا روان
-وقفت تنظر له بقلق
-فى اى قولى عايزة أى
↪️
-ضمه شفاهها هو يعنى البت نهى كانت عايزانى انزل معاها نجيب شويه حاجه كدا
-حاجات أى
-بتقولى فى محل لبس عامل عروض وبيبع لبس ارخص من المحلات التانيه
-لبس اى يا بت انتى قالتها امها من الخلف انت مش لسه من يومين جايبه لبس ياك هو كل يوم
-الله فى أى يا ماما مش بجهز حاجتى
-شوف البت وبجحتها
-خلاص يا امى سبيها خدى يا روان أنا معييش غير ال300ج دى
-هتعمل أى ال300يا بسام
-جذبت والدتها الفلوس من يدها مش هتعمل حاجه ومفيش نزول غورى يلا من وشى
-لى يا امى كدا
-ملكش فيه ومتتدخلش خد الفلوس اهى والله يا بسام لو عطتها ما هكلم
-طيب خليهم معاكى
- لا معايا خليهم معاك انت عشان لو احتجت حاجه
-طيب انا نازل
كانت تنتظرة كعادتها فى مدخل العمارة لمحته يهبط لتهندم ملابسها وتقرص خدودها لعلها تستخرج منه بكلمه تفرح قلبها
-بسام
-أزيك يا شهد عامله أى
-بخير أنت عامل أى قالتها بسعاده
-بخير
-عامل أى فالشغل
-تمام ماشى الحال عايزة حاجه
-ينفع اركب معاك تنزلنى على اول الشارع بس
-يعلم محاولاتها جيدا فهى تريد قربه ولكنه لا يستطيع فأحماله كثيره لا يريد أن يزيدها معلش يا شهد بس متأخر على مشوار مره تانى قالها ورحل سريعا لتقف تنظر له بحزن لتجر اقدامها الى الاعلى لتسمع ضحكات والدتها بسخريه عليها
-قلتلك يا شهد بس انتى اللى غاويه تتعبى قلبك
-سبينى يا ماما ابوس ايدك سبينى
_________
↚
فى أمريكا
-تقف أمام المرأه تتجهز كعادتها لتخرج نظرة ببسمه رضا الى هيئتها المزريه ترتدى توب مفتوح وتترك العنان لشعرها تضع مكياج صاحب يناسب حفلتها تكرهه هيئتها ولكنها تعاقب الجميع لا تعلم بأنها تعاقب نفسها قبلهم هبطت بالاسفل
-على فين أن شاء الله قالها نعمان وهو ينظر لها بغيظ
-خارجه قالتها وهى تتحرك
-استنى عندك قالها بغضب
-نعم
-مفيش خروج
-لى أن شاء الله
-جذبها من يدها لتقف مقابله له أنتى بنت قليله الادب مش متربيه أى قله الاحترام اللى بقيتى فيها دى والاستهتار أنتى عاجبك الوضع دة
-سورى بس أى وضع تقصد
-يعلم مقصدها جيدا ولكنه لن يترك له فرصه لتفتح الماضى انتى بقالك سنتين بتسقطى سنه كمان وهيرفدوكى من الكليه وخروجاتك وشيله الصيع اللى انتى مصحباهم ولبسك والقرف اللى بتحطيه كل ده قالها وهو يشير الى هيئتها
-اه وانت عايز تعرف عاجبنى ولا لا عالعموم لا مش عاجبنى بس رضيت بيه زى ما رضيت بحاجات كتير غصب عنى
-يوووووه أنتى لى بتعملى فى نفسك كدا هدأ من نبرة صوته يا بنتى الماضى راح أنتى كل حياتى يا نهاد متكسرنيش
-مكسركش بجد ما انتو كسرتونى انا بنتك اه بس للاسف انت وهى أنانيين كل واحد دور على مصىلحته وراحته وسبتونى انا فالنص محدش سأل فيا محدش همه مشاعرى انت روحت تتدور على مشاريعك وتغوص جواها وترمى نفسك جوة حضن واحده قد بنتك
-نهااااااااد
-بكدب لو بكدب قول كدابه رميت نفسك جوة حضنها ولا لا واتجوزتها عشان تقهر ماما ولا لا متقليش تصلح غلط ولا بتاع انت لو رميت فى وشها 100دولار كانت رضيت
-نعمان انت ساكت ازاى لبنتك
-استنى يا نيرفانا نهاد كلامك اللى بتقوليه عيب
-هو أى اللى عيب اقتربت من نيرفانا وجذبتها بغضب مش أنتى اللى فضلتى وراه لحد ما خلتيه ينام معاكى ووهمتيه أنك بتحبيه
-سيبى ايدى يا مجنونه انتى
-جذبها نعمان بغضب انتى خلاص بقينى مجنونه رسمى
-بسببكوا انت وماما انتو الاتنين أنا مش هسامحكوا وصدقنى أنا همى دلوقتى أن أنا اعمل كل حاجه تكسركوا
قالتها وهى ترحل لتتوقف على صوت والدها
-اعملى حسابك أنك مسافرة الفجر على اول طيارة لمصر
-نظرة له بغضب نعم
-اللى سمعتيه هتعيشى مع جدتك وعمتك هناك
-وقفت دقائق لتنظر له ببرود تمام قالتها ورحلت
جلس نعمان بتعب على الكرسى
-نعمان
-سبينى دلوقتى قالها بغضب لتركض من امامه الى غرفتها لتخرج هاتفها
-ايوة يا ياسر اللى أنا عايزاه كل حصل الدور والباقى عليك
-هتنزل مصر
-فى اول طيارة عليك انت ومامتك تلينوا دماغها لازم تبقى تحت طوعك
-متقلقيش يا حبيبتى مش هتاخد فى أيدى غلوة
-تمام سلام
_______________
-فيلا النعمان
-سهر أبقى خلى حد من الشغالين ينضف اوضه للست نهاد
-لى يا ماما
-أخوكى هيرجعها تعيش هنا
-يييييييي ربنا يستر
-يا رب أنا مبقاش فى حيل اناهد معاها فأنتى تخلى بالك منها وياسر كمان يعين ليها حد يراقبها مش ناقصين
-حاضر يا ماما هقول ليسو
-هتقوليلى أى
-بنت خالك هترجع تعيش هنا
-نهاد
-اه يسو حبيبى عايزاك تخلى بالك منها خالك باعتها عشان المصايب اللى بتعملها هناك ومش ناقصين يقول مخلوش بالهم منها
-متقلقيش يا تيتا
-هى لسه رافضه تشوف أمها يا ماما
-متجبيش سيرتها الحاجه الوحيده الحلوة اللى عملتها البنت دى انعا قطعت علاقتها بأمها
-والله يا تيتا هى لو عليها تقطع علاقتها بالعيله كله بس لولا أنا عارفه أنها مش هتقدر تعيش من غير فلوس خالى
بقلك يا تيتا ما تفاتحى خالى فى جوازى منها
-ايوة يا ماما ياسر هيحافظ عليها وعلى فلوسها بدال ما تجيب حد من برة
-والله انت وشطارتك لو قدرت تلين دماغها تبقى فوزت بيها بثروت خالك كلها والباقى هيبقى سهل
-أن شاء الله
-'__________________
مر اليوم هبطت الطائرة لتهبط منها لتجد أبن عمتها ينتظرها
-حمدالله عالسلامه يا نهاد
-الله يسلمك قالتها ببرود لتركب السيارة تحرك سريعا الى الفيلا كانوا بأنتظارها
-حمدالله عالسلامه يا حبيبتى
-الله يسلمك يا عمتو ازيك يا نينا عامله أى
-بخير يا حبيبتى بخير يا فاااااطمه تعالى طلعى شنط نهاد هانم فوق
-لا يا نينا أنا هطلع عشان هنام
-لا يا حبيبتى مش هتاكلى
-لا يا عمتو بس تعبانه شوى من السفر قالتها ورحلت الى الاعلى
أما هم فينظرون لبعضهم بأستغراب
-مالها كدا
-مش عارف يا ماماركبه معايا من المطار مفتحتش بقها بكلمه وبترد على قد السؤال
-هو أى اللى حصل هناك يا ماما
-معرفش نعمان مقليش حاجه مضغطوش عليها لحد ما نشوف فى أى
-____________________
-يا بسام أنت كدا مش هتدفع قسط التاكسى كدا
-مش عارف يا وليد مراد عايز فلوس الدروس بس الفين جنيه شهريا غير اللبس وغير أن هو عايز يغير تليفونه وغير روان التانيه حوار يا بنى حوار
-طيب ما تخلى والدتك تكلم خالك تانى يمكن قلبه يحن ويديها ورثها
-أنا مش عايز منه حاجه
-مش عايز حاجه ازاى دا ورث يخليك عنتر زمانك يا بسام أنت غاوى فقر لى
-الله الغنى يا أخى انت عارف أنا أخلص من جوازة روان وارتاح هيبقى حمل كبير وانزاح
-ربنا يرزقك وترتاح وتنتبه لمصلحه حالك بقه
-حالى أنا نسيت حالى من لما ابويا مات يا وليد عارف يالا فعلا موت الاب كسرة تحس فجأه أنك كنت متغطى وبقيت عريان تمشى تخبط فالدنيا والدنيا تخبط فيك معندكش حد تروحلوا تقلوا أحمينى يااااه يا وليد أبويا لما مات أنا ضهرى أنحنى بجد ربنا يحفظ لكل ابن ابوه ويرحم أمواتنا
-يارب طيب هتعمل أى فموضوع القسط
-هكلم المعرض أحاول أخليهم يأخروه شوى يارب بس يرضوا
-أن شاء الله يا صاحبى بقلك متيجى تشتغل معانا يا اخى وحط عندك على جنب
-يا وليد أنت عارف أن أنا ومعتز عمرنا ما كنا على وفاق اروح اشتغل معاه
-يا سيدى لقمه العيش صعبه
-هتبقى اصعب مع معتز أنا مش هستحمل اسلوبه وقنعرته الكدابه
-والله يا بسام أنا مقدم فى كام شركه لو اتقبلت هسيبه واهرب
-اهو وانت وهو بتبلعوا بعض محال أنا الله الغنى يا سيدى
-طيب أسيبك أنا سلام
-سلام
↪️
❤❤❤